Wanandoa watakiwa kudumisha upendo

Wito umetolewa kwa wanandoa kudumisha upendo kwa kuishi katika maisha ya ndoa yanayo mpendeza mwenyezi Mungu ikiwa ni pamoja na kusaidiana katika shida na raha.

Askofu mkuu wa kanisa la Furaha Tanzania Jones Molla (wa pili kutoka kulia), katika picha ya pamoja na wanandoa hivi karibuni jijini Arusha.

Mchungaji wa kanisa la Pentecostal Evangelistic Fellowship Of Africa (PEFA) la Jijini Arusha Noel Urio, ameyasema hayo mwishoni mwa wiki wakati alipokuwa akifungisha ndoa ya wawili hao kati ya Godlove na Florah, iliyofanyika katika kanisa la PEFA la Mlimani Jijini Arusha..

Mchg Urio, alisema ndoa ni muunganiko kati ya Mwanamme na mwanamke, na kuwaacha wazazi wao na kuambatana na kuwa mwili mmoja , hivyo  amewataka wanandoa hao kwenda kudumisha upendo ndani ya ndoa yao.

Alisema wazazi walio wengi wamekuwa chanzo kikubwa cha kusababisha ndoa za vijana wao, kuvunjika pindi matatizo yanapotokea kati ya Baba na Mama, hivyo migogoro inapozidi wanandoa hao waliokuwa wakipendana kabla ya kuoana huamua kuachana.

Aidha Mchg Urio alisema, vijana wengi wamekuwa wakidondoka katika mtego wa mwovu,  kwa kuwa wamejikuta wakipendana bila ya kumshirikisha Mungu katika kuanza mahudiano yao ya uchumba.

Alisema jambo la msingi katika ndoa, hata kama usipokubali jambo hilo, imani hupuuzwa na vijana wengi na ndio maana wengi waliopuuza wamekuwa wakijikuta wakilia na ndoa zao.

“Kimsingi Mungu hakukusudii kuona ndoa zikivunjike na kuvunjika kwa ndoa siku zote si kitu chema machoni pa muumba ambaye ndiye mwanzilishi,”alisema Mchungaji Urio.

Aliongeza kuwa “Nataka kuwaambia nyinyi Godlove na Florah, ndoa ya Kikristo huwa haivunjiki kuoa sio sababu ya kuwa sahau wazazi wenu, waone ni nyumba ya Baraka, wazazi wanahitaji heshima tu kwenu,”alisema

Hata hivyo Mchg Urio, aliwataka wazazi kutokuingilia mahusiano ya watoto wao, kwani kwa kufanya hivyo ni hatari kubwa, hivyo wazazi hawaruhusiwa kusababisha ndoa za watoto wao kuvunjika.

Kwa upande wake Askofu mkuu wa kanisa la Furaha Tanzania Jones Molla, ambaye kijana wake Godlove ameona, aliwataka wawili hao kwenda kuishi maisha ya upendo.

“Katika mfumo wa maisha aliyoweka  Mwenyezi Mungu,  moja wapo ni Upendo wa kimwili katika yam me na mke,  kuishi pamoja katika maisha ya ndoa,”alisema Askofu Molla.

STORY BY: Kija Elias