TANZANIA KUPIGWA NA RWANDA, ENDAPO HAITATUBU

ENDAPO Tanzania haitatubu mbele za Mungu kutokana na matendo yake machafu ipo hatarini kukumbwa na balaa la vita imebainika.

 

Askofu Emmanuel Lazaro wa Kanisa la Tanzania Assemblies of God (T.A.G )anayehutubia mkutano mkubwa mjini Arusha amebashiri kuwa nchi moja ya jirani itaivamia na kuitwanga Tanzania.

Askofu huyo ameenda mbali zaidi na kuitaja nchi hiyo kuwa Rwanda na kudai kuwa TZ haitaiweza Rwanda!

Askofu Lazaro amesema kwa damu na nyama Tanzania inajiona kuwa ina nguvu za kutosha kivita hasa ikizingatiwa miezi michache iliyopita imepeleka majeshi yake nchini Congo lakini mbele za Mungu si chochote.