Wakati dunia ikisheherekea Kumbukumbu ya kuzaliwa
kwa Yesu Kristo duniani kote, hapa nchini Tanzania madhehebu ya Kikristo yaliyo
chini ya Jukwaa la Kikristo yametoa tamko kali kwa serikali na kwa dini ya Kiislamu.
Tamko hilo limetolewa katika ibada ya Christmass
iliyofanyika Kitaifa katika Kanisa Katoliki, Moshi Mjini Mkoani Kilimanjaro
mapema leo asubuhi.
Suala la uvumi kwamba nchi ya Tanzania
inatawaliwa na idadi kubwa ya wakristo Jukwaa la Kikristo nchini limesema huo
ni uongo ambao hautakiwi kufumbiwa macho hata kidogo kwani takwimu zinaonyesha
uongozi wa juu wa serikali ya Muungano wa Tanzania unaongozwa na waislamu kwa
asilimia 90 wakati visiwani Zanzibar ikiwa ni asilimia 100.
Pia Jukwaa la Kikristo nchini limesema suala la Wakristo
kukojolea Kurani ni la uongo na ambalo
limekuwa likifanywa na waislamu wenyewe kwa madhumuni ya kuvuruga amani kwani
tukio la Mbagala ni mfano tu Waislamu wameshawahi kufanya na serikali imekuwa
ikikaa kimya.
Katika tamko hilo wameitaka serikali na watanzania
kwa ujumla wake kutunza hadhi ya baba wa Taifa Mwalimu Julius Kambarage Nyerere
ambaye alijitolea maisha yake kwa ajili ya uhuru na demokrasia ya Taifa la
Tanzania.
Hata hivyo Jukwaa la Kikristo limeitaka serikali kutokaa kimya
kuhusu watu wanaotaka kusambaratisha umoja, amani,utulivu na mshikamano.
Jukwaa la Kikristo limetoa wito kwa waumini wa dini ya Kiislamu
kuanza kujirudi kushikamana na wakristo ili kuendeleza mshikamano wa muda mrefu
uliokuwepo tangu kupata uhuru miaka 51 iliyopita.
Aidha Jumapili ijayo ya Desemba 30, 2012 Wakristo nchini watafanya
maombi kuiombea nchi kwa mwaka 2013 ili Mwenyezi Mungu aendelee kuweka mkono
wake.
0 Comments