Waumini watakiwa kumpa Mungu nafasi kwanza

Waumini kote nchini wametakiwa kumpa Mungu nafasi kwanza katika kila jambo wanalotaka kulifanya sanjari na kuomba katika Roha na kweli ili waweze kukua kiroho.

Akihubiri katika semina ya siku tatu, iliyofanyika katika Kanisa la Enlightened Christian Gathering Church Of Tanzania (ECG), yaani Kanisa la Mkusanyiko wa Wakristo Walio Angaziwa (ECG), lililopo Rau mjini Moshi mkoani Kilimanjaro, Mchungaji Praise Isakumbuka, alisema wakristo wengi hawakui kiroho kwa sababu hawajui faida za kuabudu

Mchungaji Isakumbuka, alisema kusudi la Mungu kukuumba mwanadamu ni kuwa na ushirika naye, Mungu anafanya kila kitu , lakini hawezi kujiabudu yeye mwenyewe,  hivyo amemuumba mwanadamu ili aweze kumwabudu yeye.

“Kuabudu ni maisha ya uchaji , unaweza kujitengenezea maisha yako ya baadae ukiwa hapa duniani,”alisema Mchungaji Isakumbuka.

Alisema kuna watu wanapitia katika mambo mengi magumu hivyo ni vizuri kumwalika Mungu kupitia maombi, maana kupitia umoja huo kuna nguvu ndani yake.

Katika semina hiyo iliyokuwa imebeba ujumbe wa ‘Adui aliyejificha nyuma yetu,’ alisema kuna watu katika maisha yetu tuko nao, lakini hawapo nasi, wanakuwa kama nyoka katika maisha yetu, hawa ndio wanaotufanya tusiweze kufanikiwa katika maisha yetu,  wanatufanya tushindwe hata kupata usingizi nyakati za usiku.

“Sio rahisi kugundua watu hao kama roho wa Bwana hayupo ndani yako, inahitaji ufunuo ili kuweza kuwatambua watu hao wabaya katika maisha yetu.

Semina ya neon la Mungu iliyofanyika katika Kanisa la Mkusanyiko wa Wakristo Walioangaziwa (ECG) lililopo Rau mjini Moshi Mkoani Kilimanjaro, ambapo katika semina hiyo wengi iliwafungua na kujazwa na roho mtakatifu .

Katika semina hiyo ya siku tatu iliyoendeshwa na Mchungaji  Praise Isakumbuka wa Kanisa la Mkusanyiko wa Wakristo Walioangaziwa (ECG), tawi la Mbeya, ambapo katika mahubiri yake Baba mmoja aliyekuwa amepata ajali hiyo akawa anatumia ukosi wa shingo (Neck Colla baada ya kuombewa na mtumishi  huyo, alipona na kuondoa ile Neck Collar).

Pia habari hii imetolewa katika Gazeti la Kikristo la kila wiki la Nyakati Toleo Na. 958, Jumapili Aprili 7-13, 2019

Story by: Kija Elias

Gazeti la Nyakati Toleo Na. 958; uk. 3